Б.Осмонов атындагы Жалал-Абад мамлекеттик университетинин жалпы жамааты  1-июнь балдарды коргоонун Эл аралык күнүнө карата “Ак жол” реабилитациялык борборго барып балдарды куттуктап келишти.

ЖАМУнун факультет, колледждеринин  жетекчилери жана кесиптик кошуундар бирлиги  менен биргеликте “Ак жол” реабилитациялык борборуна 56610 сом акчалай жардам көрсөтүлгөнүн билдирди. 

Окуу жайдын СИ жана МТ боюнча проректор А.Д.Доранова аталган борбордо тарбияланып жаткан балдарга узак өмүр, чын ден соолук, бактылуу балалык, кең келечек каалап өттү.

Иш-чаранын жүрүшүндө университеттин маданий-эстетикалык борборунун адиси Н.Г.Шамуратов балдардын майрамы менен куттуктап ыр белек сунду.

Учурда борбордо 30 бала жашап, тарбияланышууда.