2021-жылдын 16-19-апрелинде ЖАМУнун ректору К.Ж.Усенов баш болгон жамаат: Конфуций институтунун жетекчилиги жана окутуучулары, ПФнын информатика, БАС, ЭЮФтун  юридика адистиктеринин окутуучулар жамааты менен студенттери Синьцзян университетинин лекторлорунун “Цифралык технологиянын мүмкүнчүлүктөрү. Кытайда IT адистерине программалык камсыздоо багытында кесиптик билим берүү”, “Синьцзян университетинде чет өлкөлүк студенттерге билим берүү”, “Кытай мыйзамы” аталыштарындагы онлайн-окууга катышышты.

1-тема боюнча  Синьцзян университетинин программалык камсыздоо факультетинин профессору Цянь Юйжун жана бир топ лекторлор IT адистерин программалык камсыздоо багытында аларды жаңы технологиялары менен окутуу, цифралык технологияны бардык тармакта колдонуу, визуалдык билим берүү,  ж.б. маселелер боюнча лекция окушуп, темага байланыштуу илимий-теориялык, практикалык, илимий-методологиялык көрсөтмөлөрдү беришти.

2-тема боюнча Синьцзян университетинин эл аралык маданий байланыштар факультетинин деканынын орун басары Накреман Ибраим баш болгон лекторлор окуу жайда пандемиялык кырдаалда чет өлкөлүк студенттерге билим берүүдөгү маселелерге,  өзгөчөлүктөргө, алгылыктуу усулдарга, уюштурулуп жаткан иш-чараларга токтолушту.

3-тема боюнча Кытайдагы мыйзам меселери, жарандардын укуктары, жаңы кабыл алынган мыйзамдар боюнча кенен маалымат берилди.

Онлайн-окуунун катышуучулары өзүлөрүнө тиешелүү керектүү маалыматтарды ала алышты.

Мындай өңүттөгү академиялык тажрыйба алмашууларды уюштуруу  Конфуций институту тарабынан дагы улантылмакчы.