Кургак учукка каршы күрөшүүнүн бир айлык акциясынын алкагында ЖАМУнун медициналык пунктунун кызматкерлери тарабынан  тегерек стол уюштурулду. Ага ЖАМУнун мамлекеттик тил жана социалдык маселелер боюнча проректору Доранова Айгүл, Жалал-Абад шаарынын кургак учукка каршы диспанссеринин башкы дарыгери Ормоков Акылбек, Ден соолук борборунун адиси Төрөбекова Шайлоокан, Кызыл Ай коомунан Раманкулова Шахзада жана окуу жайдын окутуучулары, студенттер катышышты.

Жалал-Абад шаарынын кургак учукка каршы диспанссеринин башкы дарыгери Ормоков Акылбек кургак учук жөнүндө маалыматтарды айтып, андан коргонуунун жолдорун түшүндүрдү. Кургак учукка кабылган адам түрүнө карап 3 айдан 3 жылга чейин дарылануусу абзел. Туура дарылануу аркылуу бул дарттан 100 пайыз айып кетсе болот. Өзүбүздүн жана жакындарыбыздын ден соолугуна кам көрүү ар бирибиздин колубузда – дейт А. Ормоков.

“Дүйнө жүзүндө жылына 8-10 миллион адам кургак учук менен жабыркаса, анын 5-6 миллиону жугуштуу түрү менен оорушат. Анын ичинен 2-2500 миллину аталган дарттан каза болушат. 1 оорулуу адам бир жылда 10-15 адамга жугузат, ошондо бир секндда   бир адамга жугат. Ал эми Жалал-Абад шаарын алып карасак, 2019-жылы 78 адам кургак учукка чалдыкса, 2020-жылы 72 оорулууну түздү” – деп  кошумчалады Жалал-Абад шаарынын кургак учукка каршы диспанссеринин башкы дарыгери Ормоков Акылбек.