Табигый-илимий билим берүү багытынын Химия профилинин Х-1-17 тайпасынын студенттеринин кесиптик-профилдик практикасы боюнча жыйынтыктоочу конференциясы өткөрүлдү. Аталган тайпада 15 студент билим алышууда. Кесиптик-профилдик практикасын 5 студент Жалал-Абад шаарындагы №4-гимназия мектебинде, №11-орто мектебинде, С.Давлетов атындагы №14-инновациялык лицей мектебинде,3 студент Сузак районундагы №5-, №6-, №83- орто мектептеринде, 5 студент Базар-Коргон районундагы №3-гимназия, №31-, №24-,№24-,№31-, №8- орто мектептеринде, 2 студент Ноокен районундагы №8-, №6- орто мектептеринде өтөп келишти.

Конференциянын ишине ЖАМУнун өндүрүштүк практика жана карьера бөлүмүнүн башкы адиси Н.С.Жолдошалиева, Химия кафедрасынын профессордук окутуучулук курамы, Сузак, Базар-Коргон, Ноокен районунда практика өтөшкөн студенттерге жетекчилик кылган мектептин химия мугалимдери катышышты. 

ЖАМУнун студенттеринин практикасы боюнча Жобого ылайык, конференцияда ар бир студент практика мезгилинде жүргүзгөн иштерин жыйынтыктап, онлайн окутуу менен офлайн окутуунун өзгөчөлүктөрүнө токтолушту.  Конференцияга катышкан мектептин химия мугалимдери жана окуу жайдын практика жетекчилери  студенттердин жүргүзгөн иштерин баалоо менен  практиканын жүрүшүндөгү ийгиликтер, жетишкендиктерге жана көңүл буруучу маселелерге токтолушту.