ЖАМУнун чоң жыйындар залында 5-декабрда  медицина факултеттин окутуучуларынын ыр кесеси болуп өттү. Ага Жалал-Абад мамлекеттик университетинин профессордук-окутуучулук курамы жана студенттер күбө болду.

Жогорудагы ыр майрам “Ыйман, адеп жана маданият” жылынын алкагында уюшулган. Анда мугалимдер ырдап, бийлеп жана кыргыздын каада-салтына тиешелүү салттарды сахналаштырып аткарышты. Ошондой эле сөз баккан элибиздин таамай айтылган макал-лакаптарын да айтышты.

Ыр кесенин жүрүшүндө анын көркүнө көрк кошкон программа учурдун көйгөйү болуп жаткан паркорчулукту чагындырган спектакль болду. Анда ыйлап турган адилеттүүлүктүн бар экенин көргөзүп, бирөөнүн акысын жебөөгө үндөгөн чыгарма орун алган.