Медициналык колледжинин “Дарылоо жана акушердик иш”  бөлүмүнүн окутуучулары өлкөбүздөгү коронавируска каршы өзгөчө кырдаал учуру жарыяланганына байланыштуу, студенттерге билим берүүнү аралыктан жүргүзүп  онлайн сабактарды  отуп жатышат.

              Окутуучулар жамааты AVN билим берүү порталы аркылуу жеке кабинетинде лекциялык материалдарды, практикалык  иштерин жүктөп, студенттерге маалыматтарды жеткирүүдө. Окуу порталына кошумча, Whatsapp,  Telegram, Zoom программаларынын  жардамы  менен    студенттер менен байланыш түзүлүүдө.

Бөлүмдүн окутуучулары өздөрүнө тиешлүү предметтер боюнча видео сабактарды даярдап  лекциялык жана практикалык сабактарды өтүшүүдө. Ошондой эле социалдык түйүндөр аркылуу студенттер менен окутуучулар электрондук группаларды түзүшүп, студенттерге керектүү материалдарды жиберип, анын негизинде кайтарым байланыштар ишке ашырылууда, адистиктин өзгөчөлүгүнө байланыштуу айрым  тапшырмалар видеонун жардамы менен окутуучулар тарабынан көзөмөлдөнүп турат.