Б.Осмонов атындагы Жалал-Абад мамлекеттик университетинин медициналык  колледжинин студенттери  кийим тигүүчү 3 (үч) кол машина мүмкүнчүлүгү чектелген жарандарга тапшырышты.

 Маалыматка ылайык, “Бирдиктүү багыт” Жалал-Абад областтык майыптар коомдук Ассоциациясы” юридикалык жактардын бирикмеси Сузак районунда жайгашып, облустун ар тарабынан келген мүмкүнчүлүгү чектелген жарандар кол өнөрчүлүк менен алектенишет.

“Жаштарды боорукердикке, кайрымдуулукка үндөө максатында бул иш-чара уюштурулду.   Медициналык колледжинин окутуучулары Атабаева Менура, Конокбай кызы Сымкат, Курманалиева Майрам жана студенттери менен биргеликте  кийим тигүүчү  кол  машиналар, азык түлүк  тапшырышты” – дейт медициналык колледждин тарбия иштер боюнча директордун орун басары Г.И.Темирбаева.