Б. Осмонов атындагы Жалал-Абад мамлекеттик университетинин жана Синьцзянь мамлекеттик университеттеринин ортосундагы түзүлгөн  келишимге ылайык ЖАМУнун окутуучулары 2020-жылдын 5-14-январында Кытай Эл Республикасынын Үрүмчү шаарында жайгашкан Синьцзянь мамлекеттик университетине жана Сиань шаарындагы Түндүк-чыгыш университеттерине атайын визит менен барып келишти.

Окутуучулар программанын алкагында аталган университеттердин илимий лабораторияларында, окутуу борборлорунда тажрыйба алмашып, кызыктуу лекцияларды угушуп, билимдерин жогорулатышты.  Атайын сертификаттарга ээ болушту жана Үрүмчү, Сиань шаарларынын кооз жерлеринде болушуп, тарыхы менен таанышышты.

Программанын катышуучулары бул визит билим жаатында Кытай Эл Республикасынын жогорку окуу жайларындагы алдыңкы тажрыйбалар менен таанышууга  мүмкүнчүлүк түзүп, жаңы идеялардын пайда болуусуна түрткү бергендигин жана ал идеяларды ишке ашырууну өз алдыларына максат кылып келишкенин баса белгилешти.

Окутуучулардын билимин жогорулатууга жана тажрыйба алмашууга мүмкүнчүлүк түзүп берген ЖАМУнун жана Конфуций институтунун жетекчиликтерине  ыраазычылыктарын билдиришти.