Б. Осмонов атындагы Жалал-Абад мамлекеттик университетинин профессордук-окутуучулар курамынын жана кызматкерлердин, факультеттер жана структуралык бөлүмдөр арасында “Ден соолук – 2020”  аталышындагы спартакиадасы жыйынтыкталды.

Мелдешке жалпы 7 курама команда катышып, 8-январдан 12-январга чейин болду. “Ден соолук – 2020”  аталышындагы спартакиадасында  аялдар жана эркектер арасындагы командалар стол үстүндөгү теннис, тогуз коргоол, шахмат, футбол, волейбол жана аркан тартыш оюндары боюнча күч сынашты.
Иш-чараны ЖАМУнун  Ден соолук борбору  ректорат менен биргеликте уюштурган.
Спартакиаданын соңунда жеңүүчүлөргө уюштуруучулар тарабынан акчалай сыйлыктар жана дипломдор тапшырылды.

Жыйынтыгында мыкты курама команда деп;

1-орун ректорат,

2-орун педагогика жана маалымат технологиялар факультети,

3-орун табигый-техникалык факультети,

4-орун медицина факультети,

5-орун филология факультети,

6-орун экономикалык-юридикалык факультети,

7-орун майда тейлөө персоналы