Педагогика жана маалымат технологиялары факультетинде “Үй бүлөлөрдү жана балдарды психологиялык жактан колдоо” ошондой эле кыйноолордун алдын алуу жана зордук зомбулукка каршы деген темада иш-чара уюштурулду. Ага аталган факультеттин деканы Расул Шамшиев жетектеген профессордук-окутуучулар курамы жана студенттер катышышты.

Иш-чарада коомдо күн сайын орун алып жаткан зордук-зомбулук жөнүндө талкуу жүрүп, анын алдын алуу жөнүндө сунуштар айтылды.

Факультеттин деканы Р. Шамшиев,  айланабызда орун алып жаткан зордук-зомбулукка бүгүн кайдыгерлик менен карасак, эртең өз башыбызга келиши айдан ачык. Андыктан терс көрүнүштөргө убагында чара көрүп, коомдун өнүгүшүнө, замандын тынчтыгына ар бирибиз салым кошо алаарыбызды белгиледи.