“Ар элдин карысы кадырлуу болсун” дегендей, кытай окутуучулары, волонтерлору улуулукту сыйлап, боорукердикти көрсөтүшүп, карылар үйүнөн кабар алып келишти. Мындай маалыматты Конфуций институтунун директору Мавлюда Шакирова билдирди.

Ата-эне, мээримдүүлүк темасындагы ырларды ырдашып, сүрөт тартышып, кунфу, чай салтанатын көрсөтүштү. Азык-оокат, керектүү буюм-тайымдарды тапшырышып, карылар менен жылуу маек куруп кайтышты.

Белгилей кетсек, карылар үйүнөн кабар алып туруу – Конфуций институтунун жылдык иш планына киргизилген.