Жалал-Абад мамлекеттик университетинин медицина факультетинде лицензиялык эксперттик комиссиясы болду. Бул тууралуу аталган факультеттин деканы Шамырбек Беркмаматов билдирди.

КРнын  Билим берүү жана илим  министрлигинин 2019-жылдын 8- октябрындагы  № 1180/1 буйругунун негизинде Жалал-Абад мамлекеттик университетинин жогорку кесиптик билим берүү программалары боюнча лицензиялык экспертиза жүргүзүү үчүн эксперттик комиссия курамы Сакибаев К.Ш, Шатманов С.Т. жана Батыров Т.М. 8-9 октябрь күндөрү  медициналык факультетте болушканы айтылат маалыматта.

“Комиссия курамы медицина факультетинин материалдык-техникалык базасы жана морфологиялык, клиникалык базаларында болушуп, окуу процесси менен жакындан таанышышты” – дейт Ш. Беркмаматов.