Регистрация абитуриентов на второе высшее образование


AVN






Институт Конфуция при ЖАГУ

Директоры института Конфуция при ЖАГУ

Кандидат филологических наук, доцент 

Директор назначенного китайской тороной

Шакирова Мавлюда

Адрес: Жалал-Абад шаары,

Ленин көчөсү 57

Телефон: 0771 17 50 75, 0553 71 00 75

e-mail: mavluda_7575@mail.ru

Ин Гуйли

Адрес: Жалал-Абад шаары,

Ленин көчөсү 57

Телефон: 0553 61 61 06

e-mail: 949107528@gmail.com

 

Кытай тилин үйрөтүү, кытай маданиятын таанытуу аркылуу дүйнө тынчтыгы, элдердин достук алакалары, жаштардын кең келечеги үчүн бир жарым миллиард кытай эли өз атасындай туткан Конфуцийдин окуулары бүгүнкү күндө уланып, жашоо эрежеси катары жайылып, Конфуцийдин окуу жайлары Кытайдын бардык булуң-бурчтарында, чет өлкөлөрдө да иштеп жатат.

 

Конфуций институту Жалал-Абад мамлекеттик университетинде 2016-жылдын декабрында Кыргыз Республикасынын Президенти менен Кытай Эл Республикасынын Председателинин кол койгон эки мамлекеттин ортосундагы стратегиялык кызматташууну бекемдөө декларациясынын негизинде, Синьзян жана Жалал-Абад мамлекеттик университетинин ортосундагы Ханьбань келишиминин, Жалал-Абад мамлекеттик университетинин Окумуштуулар кеңешинин, Камкорчулук кеңешинин жыйынынын чечими, окуу жайдын ректору, техника илимдеринин доктору, профессор К.Ж.Усеновдун буйругунун негизинде ачылды. КРнын Билим берүү жана илим министринин “Жалал-Абад мамлекеттик университетинин алдындагы Конфуций институтунун” Уставын бекитүү боюнча буйругу аткарылып, КРнын Юстиция министрлигинин Жалал-Абад облустук юстиция башкармалыгынан юридикалык жакты мамлекеттик каттоо жөнүндө күбөлүк алынды. Институттун уставына ылайык фил.и.к., доцент М. Шакирова кыргыз тараптан, Айдар Үсөн (2016-17-жж.), андан кийин Лиао Чангмей (2017-жылдан бери) кытай тараптан директор болуп дайындалды.

 

 

Өнүккөн Кытай мамлекетин ар тараптан таануу, кытай тилин, маданиятын үйрөнүүнү каалаган жаштардын, мектеп окуучуларынын, студенттердин, жаш адистердин саны Жалал-Абад областында арбын болчу. Мына ошол муктаждыкты канааттандыруу максатында Конфуций институтунун областтын флагманы болгон Жалал-Абад мамлекеттик университетинде ачылышы – Жалал-Абад жергесинин жаштарынын тил үйрөнүүсү, эл таануусу, өзүлөрүн ар тараптан өнүктүрүүсү үчүн көрүлгөн жакшы шарт жана камкордуктун бири болду.

 

 

ЖАМУда ачылган Конфуций институтундагы Конфуцийдин окуусунун жайылуусу кыргыз жаштарынын эмгекчилдигин, тартиптүүлүгүн, жоопкерчиликтүүлүгүн, билимин өркүндөтүүгө шарт түзөт.

 

 

Буга чейин 2010-11-окуу жылында К.Карасаев атындагы БГУнун ошол учурдагы кытай тараптан директору, профессор Субай Анарбектин жана профессор К.Ж.Усеновдун демилгеси менен ЖАМУда Кытай борбору БГУнун филиалы катары ачылган эле. Ал кездеги керектүү китептердин аздыгы, материалдык жабдуулардын жетишпестиги бир топ көйгөйдү жаратса, бара-бара биргелешип иштөөнүн натыйжасында, мындай көйгөйдөн арылып, бүгүнкү күндө борбордун ишмердүүлүгү менен 600гө жакын студент кытай тилин үйрөнүшүп, дипломдуу болушту. Бул борбордон билим алган студенттерибиз кытай тили боюнча Хэнань, Шэньян, Гуанчжоу, Үрүмчү, Сиань, Харбинде билимин өркүндөтүп келишсе, айрымдары магистратурада, аспирантурада билим алууну улантып жатышат.

 

 

Аталган борбордун базасында түзүлгөн Конфуций институту Жалал-Абад областында, муктаждыкка жараша, кытай тилин үйрөтүүчү курстардын санын көбөйтүүнүн үстүндө иштеп жатат. Тил үйрөнүүчүлөрдү кытайдан келген окутуучулар жана волонтерлор окутат, өз учурунда тил үйрөнүү деңгээлин аныктоочу сынактарды өткөрүшөт. Бул курстарда студенттер жалаң гана тил үйрөнүү менен чектелбестен, кытай элинин маданиятын, каада-салтын, музыкасын, искусствосун, бүтүндөй кытай дүйнөсүн да кошо таанып келишүүдө.

 

 

Окуу жайыбыздын алдындагы Конфуций институту аз аралыктын ичинде бир нече ийгиликтерге жетишти. Алсак, БГУда өткөрүлгөн “Тилдер фестивалына” кытай тили боюнча команда даярдап 1-орунду, КУУда өткөрүлгөн “Тил көпүрөсү” сынагында 2-орунду ээлеп, БГУда өткөрүлгөн “Тил көпүрөсү” конкурсуна кытай тили курсунда окуп жаткан окуучуларды катыштырып, ”Мыкты речь” номинациясын утуп алды.

 

 

Мындан сырткары, Конфуций институту Жалал-Абад мамлекеттик университетинде “Кытай күндөрү”, “Конфуций күнү”, “Мыкты речь”, “Кытай жумалыгы”, “Кыш чилдеси”, “Күрүч майрамы”, “Бүтүрүүчүлөр” жана башка ушул сыяктуу бир топ иш-чараларды үзгүлтүксүз уюштуруп, университеттин жандуу турмушуна активдүү катышып, ар тараптан көмөк көрсөтүп, биргелешип иштөө менен кытай эли менен кыргыз элинин ортосундагы достук мамилелердин чыңдалышына өз салымын кошуп келет.

 

 

ЖАМУнун жетекчилиги институттун баштапкы ишин алып кетүү үчүн аудиторияларды бөлүштүрүп берип, материалдык-техникалык база менен камсыз кылды. Мындан сырткары, институттун окуучулары үчүн ЖАМУнун китепканасынан, ашканасынан, спортзалдарынан пайдаланууга толук уруксат берилген.

 

 

Бүгүнкү күндө Ханьбань тараптан материалдык жана моралдык колдоолор болуп жатат. 2017-окуу жылынан бери Кытай тараптан инвестиция тартылып, ага институтка караган кабинеттер, аудиториялар, тазалык кааналары, фае, коридорлор заманбап ремонттоодон өткөрүлдү. Конфуций институту үчүн административдик офис курулду. Атайын китепкана, жыйындар залы түзүлүп, ишке киргизилди. Бардык окуу кааналары, жумушчу кабинеттер заманбап, жаңы эмеректер менен камсыздалды. Институттун материалдык-техникалык базасы түзүлдү. Компьютер, ноутбук, принтер, цифралык проектор, экран, сканерлөөчү аппарат, телевизор, DVD-видеоплеер, колонка, чоң нуска көчүрүүчү аппарат, электрондук доска ж.б. алынды. Компьютерлердин баары интернетке туташтырылды.

 

 

Материалдык базадан сырткары, кытай тилин жогорку деңгээлде үйрөтүү үчүн Кытайдан мугалимдерди, волонтерлорду жиберип жатышат. Кытай тилин үйрөнүп жаткан студенттерге, окуучуларга кытай мугалимдери менен иштешүү абдан кызыктуу, алар менен баарлашып, туура сүйлөөгө көнүшөт. Кытай тараптан келген адистердин, волонтерлордун өз ишине берилип, бүт дити менен тил үйрөнүп жаткан бала менен иштөөсү, аракетчилдиги, жакшы мамилелери кубандырбай койбойт. Биргелешип иштөөнүн натыйжасында, студенттер сынакка катышып, жакшы окугандары Кытай Эл Республикасынын алдыңкы жогорку окуу жайларына бюджетке окууга, стажировкаларга жолдомо алышып, окуп келип жатышат.

 

 

ЖАМУнун алдындагы Конфуций институту устав боюнча кытай тилин үйрөтүүчү курстарды, стажировкаларды уюштурат. Азыркы учурда институттун кытай тилин үйрөнүү пунктулары 11 жерде: Көк-Жаңгак, Жалал-Абад шаарларында, Базар-Коргон, Сузак райондорунда, окуу жайдын өзүндө ишин улантып жатат. Ошондуктан, институттун алдында тил үйрөнүүгө ыңгайлуу шарттарды дагы да түзүү талабы турат. 37 орундуу лингафон кабинети түзүлдү. Билим берүү жана илим министрлигинин уруксаты менен эл аралык укук (кытай таануу), кытай тили адистиктери ачылган. 2017- жылдан тартып бул адистиктерде студенттер билим алып жатышат.

 

 

Институттун ишмердүүлүгүн мындын ары да өркүндөтүү максатында алдыга бир топ план-милдеттемелер коюлду. Биринчиден, заман талабына ылайык, эки тараптуу дипломго ээ боло ала турган адистиктерди ачууга жетишүү керек. Буга жаштар арасында суроо-талаптын болуп жаткандыгы себеп. Муну ишке ашыруу үчүн окуу жайда толук мүмкүнчүлүк да бар. Экинчиден, орус тилин, кыргыз тилин үйрөнүүнү каалаган кытай студенттери үчүн ЖАМУда окууга шарттарды түзүп берүү да пландаштырылды. Мындай тажрыйба окуу жайда болгон. Тактап айтканда, 2014-15-окуу жылында Кытайдан 20га жакын кытайлык студенттер келишип, окуу жайдын орус тилин үйрөтүүчү курстарына катышып, орус тилин үйрөнүшүп, сертификат алып кетишкен. Үчүнчүдөн, Кыргызстандын студенттери менен КЭРдин студенттеринин алмашып окуусу үчүн мыкты долбоорлорду иштеп чыгуу керек. Төртүнчүдөн, тил үйрөнүү менен гана чектелбестен, башка сфераларда: экология, медицина, энергетика, дене тарбия ж.б. багытта да кызматташууну улантуу, эки тарапка тең ыңгайлуу долбоорлорду биргеликте ишке ашыруу керек деген пландар бар.

 

 

Мындан сырткары, институттун материалдык-техникалык базасын дагы да чыңдоо, кытай классттарын бала-бакчаларга ачуу, эки университеттин карым-катнашын тереңдетүүчү иш-чараларды: жолугушууларды, конференцияларды, форум, курултайларды өткөрүү, ж.б. – ЖАМУнун алдындагы Конфуций институтунун алдындагы иш-аракеттерден болмокчу.